كلمات أغنية الدكتور جاز الجديدة: يا حلالي يا مالي

نبدأها عل المربع
و خلي المستمع يسمع
رأيتنا جئنا نرفع
خليها ترفرف عال ميدان

لازم نتطلع عالواقع
تشنوف الشعب في شو واقع
والله شعبنا مش واقع  
إلا في فخ الجرذان

و قالو يالله عالسلام  
و مشيو على  درب الاستسلام
و ألف علامة استفهام
عا اللي  مستفيدين الآن

وقلنا وين هي دولتنا
قالوا هاظي على طاولتنا
و هي آخر محاولتنا
بس يرضو عنها الأمريكان

 

Ya 7alali ya Mali by Doc Jazz

 

بتحلم بدولة أفلطون
و تمولها من واشنطن
طب اسأل مين صب الباطون
للكلاب البنوا  الجدران

و أوعك تسأل عن راتب
و المسؤول أصحاك أتعاتب
لك إنت بشو بتطالب
هذا هو سلام الشجعان

طب إحنا  اللي مجانين
أو أنتو قلبتو الموازين
يم جمعتو هالملايين
والطفل في غزة جوعان

أنسيتو معنى الكرامة
ودفعتونا الغرامة
والعامل حالوا  حرامي
بتقولو عنه فهمان

طب إحنا الناس الفلاحين
اللي ربتنا فلسطين
احكولي  بالله أنتو مين
تأتبيعو حقنا بالإعلان

طب كيف بتنسو الملايين  
اللي اتشردو من فلسطين
واللي عم بحلفو يمين
ابالعودة لو طال الزمان

أي من أيام وعد بالفور
الخواجة بيلعب بالزور
بالفور و فايف و سكس بالدور
بضحكلي على البهلوان  

و شوف اصطول الحرية
والشهداء من تركية
و ما طالبتو بالدية
وين التضامن يا عربان

و كيف ابتقبل بالتطبيع
والأراَضي الهم بتبيع
الخاين ما بدو تشجيع
بيضلو طول عمرو جبان

و السرطان اسمو تهويد
و عم بينتشر بالتأكيد
بدل كلامك بالتنفيد
قبل ما تسبقنا الأوان

العين بالعين والسن بالسن
أجراس الثورة عم بترن
لك ما في انس و ما في جن
بيقدر يمنع هالبركان

يا فلسطين انتي أمي
بفديكي بروحي وبدمي
تورطنا بالحل السلمي
و ابن صهيون الكسبان

و اخر كلمة بحكيها
بتمنى تأمنو بيها
الوحدة اللي بنكسر فيها
قيود الظلم والطغيان